БҚО-да снаряд табылды
ОРАЛ. ҚазАқпарат - Батыс Қазақстан облысында даладан снаряд табылды, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, оқиға кеше Теректі ауданында болған. Теректілік тұрғын Новопавлов ауылы маңынан снарядқа ұқсас зат тауып алғанын хабарлаған.
Полиция қызметкерлері барып тексергенде, бас жағындағы жарылғышы жоқ снарядтың бөлігі болып шықты. Снарядтың ұзындығы 250 мм, диаметрі 70 мм.
«Снаряд барлық қауіпсіздік шаралары сақтала отырып, жойылды», деді БҚО полиция департаментінің баспасөз қызметінен.
Еске сала кетейік, бұдан бұрын Оралдағы түзету мекемесінде жарылғыш құрылғыға ұқсас зат табылғанын жазған болатынбыз.
