БҚО-да тұрғын үйдегі өрт орнынан екі адамның мүрдесі табылды

Өрт
Фото - БҚО ТЖД

Батыс Қазақстан облысында тұрғын үйдегі өрт орнынан екі адамның мүрдесі табылды, деп хабарлайды Kazinform.

БҚО ТЖ департаментінің баспасөз қызметінен мәлім еткеніндей, оқиға 10 желтоқсан күні Бәйтерек ауданы Садовое ауылында болды.

«Сағат 07.25-те жеке үйдің төбесі мен жеке заттар жанған. Өрт аумағы шамамен 15 шаршы метрді қамтыды. Оқиға орнынан 40 және 30 жастағы ер адамның денесі табылды. «Тілсіз жау» сағат 08.29-да оқшауланып, 08.55-те ауыздықталды. Жалынды сөндіруге 21 адам 6 техникамен жұмылдырылды. Өрттің шығу себебі, келтірілген шығын анықталу үстінде», деп хабарлады ведомстводан.

Еске сала кетейік, бұдан бұрын Оралда гараж бен шағын автобустың жанып кеткенін жазған болатынбыз.

Соңғы жаңалықтар