БҚО-да жел күшейіп, бұрқасын болады

ОРАЛ. ҚазАқпарат - Батыс Қазақстан облысында ауа райының бұзылатыны жөнінде ескерту жарияланды, деп хабарлайды ҚазАқпарат тілшісі.

«Қазгидромет» РМК БҚО филиалының мәліметіне қарағанда, ертең өңірде күн жауын-шашынды болады.

Кей жерлерде бұрқасын соғып, көктайғақ болады.

Солтүстік-батыстан соғатын желдің жылдамдығы секундына 15-20, кей жерлерде 25 метрге дейін жетеді.

Оралда да ауа райы бұзылмақшы.

Осыған байланысты БҚО ТЖ департаменті төтенше жағдайларды болдырмау мақсатында тиісті шаралар алынып жатқандығын жеткізді.