БҚО-да желдің күшейетіні жөнінде тағы да ескерту жарияланды
ОРАЛ. ҚазАқпарат - Батыс Қазақстан облысында желдің күшейетіні жөнінде тағы да ескерту жарияланды, деп хабарлайды ҚазАқпарат тілшісі.
«Қазгидромет» РМК БҚО филиалының мәліметіне қарағанда, өңірдің кей жерлерінде 7 маусым күні батыстан соғатын желдің жылдамдығы секундына 15-20 метрге дейін жетпек.
Орал қаласында желдің екпіні секундына 18 метрге дейін күшейеді.
Бүгін де сондай жел тұрып, найзағай ойнап, бұршақ жаууы ықтимал.
БҚО ТЖ департаментінен хабарлағанындай, осыған байланысты облыста қауіпсіздік шаралары қолға алынуда.
