БҚО-да желтоқсан айында 1,2 мыңнан астам адам зертханалық тексеруден өтті
ОРАЛ. ҚазАқпарат – Батыс Қазақстан облысында желтоқсан айында 1 227 адам ковидке зертханалық тексеруден өтті, деп хабарлайды ҚазАқпарат тілшісі.
БҚО санитарлық-эпидемиологиялық бақылау департаментінің баспасөз қызметі мәлім еткеніндей, індет басталғаннан бері 217 867 адамнан сынама алынған.
Күні бүгін облыс ПТР диагностикасы үшін 52 916 зерттеуге арналған 1 053 тест жүйесімен қамтамасыз етілген.
Тұрғындар арасында коронавирус жұқпасы таралуының алдын алу және оны уақтылы анықтауда зертханалардың рөлі ерекше.
Өңірде COVID-19-ға ПТР әдісімен тестілеу өткізуге арналған 10 зертхана жұмыс істейді, атап айтқанда:
ҚР ДСМ СЭБК «Ұлттық сараптама орталығы» ШЖҚ РМК БҚО бойынша филиалы;
ШЖҚ «Облыстық көпбейінді аурухана» МКК;
«Олимп» КДЗ;
ШЖҚ «Бөрлі аудандық ауруханасы» МКК;
«Медициналық орталық» ЖШС;
ҚР ДСМ АҚИҰҒО ШЖҚ РМК «Орал обаға қарсы күрес станциясы» филиалы;
«СВА Интертич» ЖШС;
«INVIVO» ЖШС;
Жәңгір хан атындағы БҚАТУ;
«A-Class Medical» ЖШС (келісімшарт бойынша).
Тұрғындарға ыңғайлы болуы үшін зертханалардың мекенжайы мен жұмыс уақыты stopcovid.kz сайтында орналасқан. ПТР тестілеудің бағасы 6 мың теңгеден басталады.
Департаменттің мәлімдеуінше, Батыс Қазақстан облысы COVID-19 коронавирус инфекциясы бойынша эпидемиологиялық жағдайды бағалау матрицасына сәйкес «жасыл аймақта».
Індет басталғалы облыс бойынша COVID-19-ды 8 344 адам жұқтырған, оның ішінде симптомдармен – 4 152, симптомсыз – 4 192 жағдай.
Өткен тәулікте өңірде 40 адам коронавируспен тіркелді, соның ішінде 25-інде ауру белгілері бар болса, қалған 15-і – симптомсыз. 17 адамнан ЖРВИ белгілерімен тексерілген кезде анықталса, 20-сы бұрын ауырғандармен қарым-қатынаста болған. Профилактикалық мақсатта тексерілген 1, эпидемиологиялық қадағалау мақсатында сынама алынған 2 адамнан індет табылды.
Еске сала кетейік, Оралда жексенбі күні де автобус жүретін болды.
