БҚО-да жол апатынан екі адам көз жұмды

ОРАЛ. ҚазАқпарат - Батыс Қазақстан облысында екі адам жол апатынан көз жұмды, деп хабарлайды «ҚазАқпарат» тілшісі.

БҚО ІІД жергілікті полиция қызметінің басшысы, полиция полковнигі Манарбек Ғабдуллиннің айтуынша, жол-көлік оқиғасы Самара-Шымкент күре жолының 357-шақырымында, Сырым ауданы Алғабас ауылы тұсында кеше сағат 21.15 шамасында болған. «Лада Приора» автокөлігі «Ивеко» жүк көлігімен соқтығысқан. Соның салдарынан «Лада Приора» автокөлігінің жүргізушісі мен жолаушысы қаза тапты. Олардың екеуі де - 1984 және 1983 жылғы жас адамдар.

Қазіргі кезде оқиғаның себеп-салдары анықталу үстінде.