БҚО-ға 1300 тонна гуманитарлық көмек жеткізілді

гвардейцы, гуманитарная помощь
Фото: Ұлттық ұлан

АСТАНА. KAZINFORM – Су тасқынына ұшыраған Батыс Қазақстан облысына гуманитарлық көмек әуе, автокөлік және пойыз арқылы жеткізіліп жатыр. Бұл туралы осы өңірдегі Төтенше жағдайлар департаментінің ресми өкілі Нұржан Төлеуіш мәлім етті.

«Бүгінде барлығы 14 019 адам эвакуацияланды, оның ішінде 5793 бала бар. 12 эвакуациялау пунктінде 2 428 адам бар, оның 1038-і бала. Одан бөлек 5 078 бас мал қауіпсіз жерге айдалды. 5 сәуірден бастап облыстық гуманитарлық көмек қабылдау штабына 1 300,4 тонна гуманитарлық көмек түсті, атап айтқанда 81,1 тонна көмек әуе кемесі арқылы және 1 219,3 тонна жүк автокөлік және пойызбен жеткізілді», - деді Нұржан Төлеуіш ОКҚ-де өткен брифингіге ZOOM арқылы қатыса отырып. 

Қазір БҚО-да 1 104 мың текше метрден астам еріген су сорылды, сонымен қатар 1 301 481 қап және 26 638 мың тонна инертті материал төселді. Авариялық-құтқару жұмыстарына 1 596 адам, 477 техника, 63 су айдау және 151 жүзу құралдары, 1 әуе кемесі тартылды. 

«Жергілікті ауқымдағы 6 төтенше жағдай (БҚО, Орал қаласы, Қаратөбе, Сырым, Бөрлі және Теректі ауданы) күшін жоймады. «Жедел желі» телефонына 756 қоңырау түсіп, оның ішінде 13 шұғыл психологиялық көмек сұрады, қалғаны ақпаратты анықтау сипатында», - дейді ол.

Соңғы жаңалықтар
telegram