БҚО мен Атырауда сауда объектілері әдеттегідей жұмыс істеп тұр – министрлік

торговые центры
Фото: Мухтор Холдорбеков/ Kazinform

АСТАНА. KAZINFORM – Аталған өңірлерде азық-түліктің бағасы тұрақты. Бұл туралы Сауда және интеграция министрлігінен мәлім етілді. 

«Батыс Қазақстан және Атырау облыстарында азық-түліктің бағасы тұрақты, сауда объектілері әдеттегідей жұмыс істеп тұр. Аймақтар судың келуін күтуде, дүкендер мен қоймаларда азық-түлік қоры жеткілікті. Ақтөбе мен Қостанай облысында да баға тұрақты, сонымен қатар аталған өңірлерге тауарларды жеткізу жоспарға сай жүзеге асырылуда», - деді Сауда комитеті төрағасының орынбасары Ернұр Жәутікбаев Орталық коммуникациялар қызметі алаңында өткен баспасөз мәслихатында.

Бұған дейін министрлік өкілі су тасқынына ұшыраған Петропавл қаласының тұрғындарына ауыз судың пойызбен жеткізілгенін мәлімдеген еді.

Соңғы жаңалықтар
telegram