БҚО шекарасында Ресейге заңсыз өтпек болған 6 өзбекстандық ұсталды
НҰР-СҰЛТАН. ҚазАқпарат – Батыс Қазақстанда шекараны заңсыз өтпек болған өзбекстандықтар ұсталды, деп хабарлайды ҚазАқпарат Ұлттық қауіпсіздік қызметіне сілтеме жасап.
Шекара қызметінің Батыс Қазақстан облысы бойынша департаменті мамандары 30 қыркүйекте «Lifan» маркалы көлікпен шекараны заңсыз кесіп өтпек болған 6 өзбекстандық пен Қазақстанның 1 азаматын ұстады. Олар Ресей Федерациясына өту үшін мемлекеттік шекараның өткізу пунктін айналып өтуді жоспарлаған», - делінген таратылған хабарламада.
Ұсталғандарға қатысты құқықтық тәртіптер қабылданбақ.
