Блаттер, Вальке және Каттнер ФИФА-ға 80 млн. долларға шығын келтірген
АСТАНА. ҚазАқпарат - Халықаралық футбол федерациясы бұрынғы үш топ-менеджердің келтірген шығынын 80 млн. долларға бағалады, деп хабарлады ВВС агенттігі.
Федерацияның жұма күні жарияланған мәлімдемесінде үш шенеунік жыл сайын өз жалақыларын көбейтіп, Әлем чемпионаттарын өткізгені үшін өздеріне сыйақы жаздырып келгені айтылған.
Бұл үш шенеунік - Зепп Блаттер, жұмыстан шеттетілген бас хатшы Жером Вальке және бас хатшының жұмыстан шығарылған орынбасары Маркус Каттнерге қатысты, делінген хабарламада.
Олардың соңғы бес жылда ФИФА-дағы әрекеттерінен болған шығын 80 млн. долларға бағаланып отыр.
