Блогерлер салығы: комитет хабарламасын қайтарып алды

АСТАНА. KAZINFORM – Елімізде блогерлерге жіберілген салық төлеу туралы хабарлама қате болып шықты. Бұл туралы Мемлекеттік кірістер комитеті хабарлайды.

- Қазақстан Республикасы Қаржы министрлігінің Мемлекеттік кірістер комитеті 2025 жылғы 19 ақпанда 93 блогердің 9,8 млрд теңгеге қалыптатырылған хабарламасы кері қайтарылды. Хабарламалардың қайтарылу себебі – оларды жіберу және өңдеу процесінде техникалық ақаулардың пайда болуынан. Сонымен қатар техникалық ақаулар жойылғаннан кейін 93 блогерге қатысты хабарламалар қайта қалыптастырылатынын назарларыңызға жеткіземіз, - деп түсіндіреді Мемлекеттік кірістер комитеті.

Осылайша кірістер комитеті блогерлерге салық хабарламасын қайта қарап жатыр.

Айта кетсек, бірер күн бұрын Мемлекеттік кірістер комитеті табысын төмен көрсеткен 594 блогерге қатысты 53,3 млрд теңгенің хабарламасын жібере бастаған еді. Тексеру, салыстыру қорытындысы бойынша 594 тұлғаның табысында 53,3 млрд теңгеге сәйкессіздік анықталған.

Бүгін әлем елдерінде блогерлер қандай салық төлейтіні тақыбырына шолу жасаған едік. 

Еске салайық, былтыр тәжікстандық блогерлер 440 мың доллар салық төлеген.