БОКС: Берік Әбдірахманов AIBA Pro Boxing турнирінің финалына шықты
АСТАНА. ҚазАқпарат - 60 келі салмақ санатындағы қазақстандық боксшы Берік Әбдірахманов AIBA Pro Boxing (APB) лицензиялық олимпиадалық турнирінің финалына шықты, деп хабарлады Vesti.kz.
2013 жылғы әлем чемпионатының қола жүлдегері үшінші турда бразилиялық Робсон Консейсаомен кездесті. Жекпе-жек нәтижесінде Әбдірахманов ұпай санымен жеңіске жетті - 58:56, 58:56, 57:57.
Осылайша, қазақстандық спортшы турнирдегі үшінші жеңісіне қол жеткізді. 2016 жылғы Олимпиадалық ойынға жолдама алу үшін Әбдірахманов енді өзбекстандық Хуршид Тожибаевпен кездеседі, ол да қарсыластарынан үш рет басым түскен.
