Бокс: Бейбіт Шүменов WBA чемпионы Денис Лебедевпен жұдырықтасуға үміткер атанды

АСТАНА. ҚазАқпарат - Лас-Вегаста (Невада штаты, АҚШ) жартылай ауыр салмақтағы бұрынғы чемпион 31 жастағы қазақстандық Бейбіт Шүменов төрешілердің бірауыз шешімімен 36 жастағы америкалық Би Джей Флоресті жеңді, деп хабарлады sports.kz.

Жекпе-жектің нәтижесіне үш төреші де бірдей баға берді - 116-112. Бейбіт Шүменов бірінші ауыр салмақта WBA нұсқасы бойынша уақытша әлем чемпионы титулын жеңіп алды, бұл оның WBA (Regular) чемпионы ресейлік Денис Лебедевпен жекпе-жекке шығуына жол ашады.