12:43, 07 Мамыр 2012 | GMT +5
Бокс: ҚР Президентінің кубогы жолындағы додада жерлестеріміз 9 салмақ дәрежесінің жетеуінде топ жарды
АЛМАТЫ. 7 мамыр. ҚазАқпарат - Алматыда 1-6 мамыр күндері бокстан ҚР Президенті кубогының ІІІ халықаралық турнирі өтті.

Он салмақ дәрежесі бойынша өткен бұл дүбірлі додада қазақстандықтар 7 алтын, 6 күміске ие болды. Атап айтқанда - Ілияс Сүлейменов (52 кг), Ғани Жайлауов (60 кг), Қанат Әбутәліпов (56 кг), Әсет Қасымов (64 кг), Серік Сәпиев (69 кг), Нұрдәулет Жарманов (75 кг), Әділбек Ниязымбетов (81 кг) алтыннан алқа тақты. Ал қонақтардан мұндай мәртебеге кубалық Йоусувани Вейтия (49 кг) мен Ерисланди Савон (+91 кг) және сириялық Мұхаммед Гасооун (91 кг) ие болды. Ал ең жеңіл салмақта бақ сынаған Біржан Жақып қола, Арбек Әбдуғаниев (91 кг) пен аса ауыр салмақтағы Иван Дычколар (+91 кг) күміс жүлдені қанағат тұтты.