Бокс: Олимпиадалық іріктеуде «Арлан» Иштван жолдамадан үмітті
АСТАНА. 17 сәуір. ҚазАқпарат -Трабзон қаласында бокстан олимпиадалық іріктеу додасы әрі қарай жалғасуда. Бұл жайында бүгін Кәрі құрлықтың былғары қолғап шеберлері қатысып жатқан дода туралы «Аламан» спорт агенттігі хабарлап отыр.
Әлем чемпионатының қола жүлдегері беларусьтік Виктар Зуев (+91 кг) жолдамадан қағылды. Ол ресейлік Магамед Омаровқа есе жіберді - 7:16. Ал қазақ жанкүйерлеріне етене таныс сербиялық Милютин Станкович те (экс «Астана арландар» боксшысы, +91 келі) жарысты аяқтады. Серб спортшысы француз Юка Тониге жол берді - 6:10.
Сондай-ақ тағы бір «арлан» венгр Иштван Бернат (+91) Роман Маризовскиді (Израиль) ұтып, келесі кезеңге шықты. Оның келесі қарсыласы словениялық Лабинот Хочхай.
