Бокс: Олимпиадалық іріктеуде Біржан Жақып финалға шықты
АСТАНА. 11 сәуір. ҚазАқпарат - Бүгін Бокстан Астанада өтіп жатқан олимпиадалық іріктеу сынының жартылай финалдық кездесулері басталды.
«Аламан» порталының мәліметінше, шаршы алаңға аса жеңіл салмақтағы Біржан Жақып шығып, жеңіске жетті.
Өзбек Шахободин Заировпен жұдырықтасқан Біржан оны 20:11 есебімен ұтты. Б. Жақып бірінші раундта 7:3 есебімен басым түссе, екінші раундта 8:4 есебі тіркелді. Үшінші кезең 5:4 есебімен біздің пайдамызға шешілді. Біржан Жақып енді Лондон жолдамасын жапон Наоуо Иноемен сарапқа салады. Күншығыс елінің боксшысы өз кезегінде жасөспірімдер арасындағы әлем чемпионы Асрор Вахидовты (Тәжікстан) ұтты.
