Бокс: Серік Сәпиевті «Астана Арланс» құрамынан көруіміз ықтимал
АСТАНА. 25 қараша. ҚазАқпарат - Лондон олимпиадасының жеңімпазы, сондай-ақ Вэл Баркер кубогінің иегері, саңлақ боксшы Серік Сәпиев «Aстана Арланс» командасының құрамында бәсекеге шығуы ықтимал»,
деп хабарлады «Спортивный портал Казахстана» сайты.
Кеше Бүкіләлемдік бокс сериясы (WBS) бойынша «Aстана Арланс» пен «Американдық нокаутерлер» командалары арасында өткен жарысты көрген Серік Сәпиев аталмыш сайт тілшісіне берген сұхбатында болашақта «Aстана Арланс» құрамында жарысқа қатысуы мүмкін екендігін» айтқан.
Ал кешегі кездесуде «Aстана Арланс» «Американдық нокаутерлер» командасынан 5:0 есебімен басым түсті. Бұл биылғы маусымдағы қатарынан екінші жеңісі.
