БОКС: Виталий Кличконың рингке қайта оралуы ықтимал

АСТАНА. 26 желтоқсан. ҚазАқпарат - Бүкіләлемдік бокс кеңесінің нұсқасы бойынша өзінің әлем чемпионы атағын қорғамауды ұйғарып,

саясатқа араласуды жөн көрген украиналық Виталий Кличко бокстағы мансабының аяқталғаны жөнінде ресми түрде мәлімдеген жоқ. Бұл туралы ИТАР-ТАСС солтүстікамерикалық БАҚ-тарға сілтеме жасап хабарлайды.

Желтоқсан айының ортасында Кличко аса ауыр салмақ дәрежесінде өзінің атағын қорғап қалғысы келмейтінін айтқан болатын. Ол кездесу 2014 жылға жоспарланған еді. WBC оған «Құрметті чемпион» мәртебесін берді.

«Қазір мен ресми түрде мансабым осымен аяқталды деп айта алмаймын, - деп мәлімдеді Кличко. - Шамамен он жыл бұрын мен төрт жылға жуық үзіліс жасаған едім, бірақ қайта оралдым және чемпиондық атақты жеңіп алдым. WBC Президенті Хосе Сулейман маған бұл жолы да сондай мүмкіндік жасап отыр.

Кличко Украинадағы УДАР партиясын басқарады.