Боксшы Ержан Жомарт Азия біріншілігінде бірінші қарсыласын ұтты

АСТАНА. ҚазАқпарат - Ташкентте өтіп жатқан бокстан Азия біріншілігінде Ержан Жомарт тайпейлік Хон Да Линаны 3:0 есебімен ұтты. Бұл туралы Қазақстанның бокс федерациясының баспасөз қызметі хабарлады.

49 келі салмақ дәрежесінде шаршы алаңға шығып жүрген Ержан Жомарт чемпионанттың ширек финалына шыққан жеңісі туралы қысқаша айтып берді: «Тайпей спортшысына қарсы жекпе-жек оңайға соқпады. Алайда мен өзіме сенімді болдым, барлық ойларымды сәтті іске асыра алдым».

- Бапкерлердің айтқандарын толық орындай алдың ба?

- Әрине, жүз пайыз орындалды.

- Келесі қарсыласың өзбекстандық Хасанбой Дусматов болады.

- Ол рейтингте бірінші болып тұр. Оңайға соқпасы анық, алайда жеңу үшін барымды саламын. Ақылмен іске кірісу керек. Ол да адам, Дусматовтың да әлсіз тұстары болуы тиіс.

- Өз салмақ дәрежеңде кім үздік деп ойлайсың?

- Осныда Азияның ең мықты боксшылары жиналған. Олар өз елдерінде бірінші орында тұр. Сондықтан Азия біріншілігінде әлсіз қарсылас жоқ десе де болады.

Данияр Майлыбаевтың фотосы