Боксшы І.Сүлейменов Олимпиада медалі жолындағы жарысын аяқтады

 АСТАНА. 4 тамыз. ҚазАқпарат - Бүгін Лондон Олимпиадасында 1/8 финалдық бәсекеде шаршы алаңға көтерілген былғары қолғап шеберіміз Ілияс Сүлейменов ұлыбритандық Эндрю Селбиге есе жіберді.

21 жастағы боксшымыз бастапқы екі кезеңде жазғы ойындар қожайынына есе жіберіп, тек соңғы үшінші раундта ғана тең жұдырықтасты. Осылайша 15:19 есебімен ұтылған спортшымыз Олимпиада жүлдесі жолындағы жарысын аяқтауға мәжбүр болды.