Бокстан ӘЧ: Данияр Елеусінов пен Иван Дычконың финалдағы қарсыластары анықталды
АСТАНА. ҚазАқпарат - Қос қазақстандық боксшы Данияр Елеусінов пен Иван Дычко Доха қаласында өтіп жатқан бокстан әлем чемпионатының финалына шықты.
Жарыстың ақтық сынындағы олардың қарсыластары анықталды. Данияр Елеусінов марокколық Мохаммад Рабимен жұдырықтасатын болса, Иван Дычко француз Тони Йокамен жекпе-жекке шығатын болды, деп хабарлайды Sports.kz.
Сайыс финалы 14-15 қазан күндері болады.
