Бокстан Азия чемпионаты: Зәкір Сафиуллин жартылай финалға өтті

АСТАНА. ҚазАқпарат - 60 келіге дейінгі салмақ дәрежесінде өнер көрсететін қазақстандық боксшы Зәкір Сафиуллиннің қарсыласы КХДР спортшысы Гук Чол Квон болды, деп хабарлады sports.kz.

Сафиуллин кездесу барысында дәл соққыларымен алға шықты. Ал, Солтүстік Корея спортшысы Зәкірдің қабағын зақымдағандықтан, жекпе-жекті уақытша тоқтатуға тура келді. Гук Квон соққылары Сафиуллиннен әлдеқайда аз болғандықтан жеңілді. Есеп 3:0. Осылайша, Зәкір Азия чемпионатының жартылай финалына шықты, деп жазады sports.kz.