Бокстан қыздар арасындағы ӘЧ: Тағы бір қазақстандық бойжеткен финалға шықты
АСТАНА. ҚазАқпарат - Қазақстандық былғары қолғап шебері Дина Жоламан бокстан Астанада өтіп жатқан әйелдер арасындағы әлем чемпионатының финалына өтті. Бұның алдында ақтық сынға Назым Қызайбай да жолдама алған еді.
54 келіге дейінгі салмақ дәрежесінде жартылай финалда қазақстандық Дина Жоламан қытайлық Пьяопьяо Льюді тізе бүктірді. Есеп - 3:0 (39:37, 39:37, 39:37).
Жерлес спортшымыз финалда Кристина Крусты (АҚШ) жеңген Стойка Петровамен (Болгария) кездеседі.
Шешуші кездесулер ертең өтеді.
