Бокстан жастар арасындағы әлем чемпионатының бірінші күні қалай өтті
АСТАНА. KAZINFORM – Будвада (Черногория) бокстан жастар арасындағы әлем чемпионаты басталды. Olympic.kz сайыстың алғашқы күні қазақстандықтар қандай нәтиже көрсеткенін ұсынды.
63 келіге дейінгі салмақта Аружан Жанғабаева алғашқы жекпе-жекте ресейлік Милана Дзугаеваны жеңді.
60 келіге дейінгі салмақта шаршы алаңға шыққан Алексей Хаванцев қырғызстандық қарсыласы Алихан Майранбековтен басым түсті.
Өкінішке қарай, әлем чемпионатын Андрей Румянцевтен (Беларусь) жеңілген Бақытжан Айтмұханов (86 келіге дейігі салмақта) аяқтады.
Ал Толғанай Қасымхан (60 келіге дейінгі салмақ) Мена Юлиді (Венесуэла) алғашқы жекпе-жекте-ақ жеңді.
Қазақстан боксшылары World Boxing өткізетін әлем чемпионатында өнер көрсететінін жазған болатынбыз.
