Бокстан жастар арасында Азия чемпионаты: Махмуд Сабырхан алтын үшін таласады
АСТАНА. ҚазАқпарат – Таиланд астанасы Бангкок қаласында 22 жасқа дейінгілер арасында бокстан өтіп жатқан Азия чемпионатында Махмуд Сабырхан финалға шықты, деп хабарлайды ҚазАқпарат тілшісі.
Қазақстандық боксшы 57 келіге дейінгі салмақта филиппиндік Джеричо Акайлармен финалдың жолдамасын сарапқа салды.
Махмуд екінші раундта қарсыласын нокдаунға жіберіп, айқын басымдылықпен жеңді. Төрешілер есебі – 5:0.
М.Сабырхан соңғы бәсекеде таиландтық Саравут Суктетпен алтын медаль үшін таласады.
Еске сала кетейік, бұдан бұрын бокстан Азия чемпионатында Махмуд Сабырханның қарсыласын нокаутпен жеңгенін жазған едік.
Сондай-ақ үш қазақстандық жартылай финалға шықты.
Жартылай финалда тағы бір жолдама қолда.
Қазақстандық екі боксшы финалға шықты.
Фото: olympic.kz
