«Болашақ» бағдарламасының жаңа кезеңі басталды
АСТАНА. KAZINFORM — Жастарды қолдау жүйесінде халықаралық «Болашақ» бағдарламасының орны ерекше. Соңғы үш жылда әлемнің жетекші университеттерінде 994 стипендиат білім алды. Бұл туралы Үкіметтің баспасөз ьқызметі мәлім етті.
— Экономика үшін сұранысқа ие бағыттар, оның ішінде ақпараттық технологиялар, инженерлік мамандықтар, машина жасау, медицина, қаржы және құқық салалары бойынша мамандар даярлаланып жатыр, — делінген хабарламада.
Қосымша 342 маман шетелдік жетекші ұйымдарда кәсіби тағылымдамадан өтті. Бағдарламаны дамытудың жаңа кезеңі 2026 жылы халықаралық олимпиадалардың, ғылыми конкурстардың және шығармашылық жарыстардың жеңімпаздары үшін бакалавриат бағыты алғаш рет ашылған кезде басталды.
Айта кетейік, жақында АЭС құрылысына қажет мамандар енді «Болашақ» арқылы даярланатыны хабарланды.
