«Болашақ» зауыты құрылысын аяқтағаннан кейін босаған қызметкерлер еңбекке орналастырылуы тиіс - ҚР Премьері
АТЫРАУ ОБЛЫСЫ. Маусымның 18-і. ҚазАқпарат /Қанат Құлшыманов/ - ҚР Премьері Кәрім Мәсімов «Болашақ» зауытының құрылысы аяқталуы ауқымындағы босаған қызметкерлерді еңбекке орналастыру жөніндегі жұмыс тобын құруды тапсырды.
Үкімет басшысы Атырау облысына жұмыс сапары барысында тиісті тапсырма берді.
«Аджип ККО» компаниясының «Болашақ» мұнай мен газды әзірлеу жөніндегі кешенді қондырғысы - Мақат ауданында салынып жатқан ірі нысанның бірі. Бүгінде оның құрылысында 9,5 мың адам жұмыс істейді. Әкімдіктің мәліметтері бойынша, қазірдің өзінде 3,5 мың жұмысшы босаған, оның 2,5 мыңы - еңбекке орналастырылды.
«Жыл аяғына дейін барлық қызметкерлер босайды. Вице-премьер Әсет Исекешевтің басқаруымен жұмыс тобын құру қажет, оған сондай-ақ мұнай және газ, еңбек және халықты әлеуметтік қорғау министрлері, Атырау облысының әкімі, «Самұрық-Қазына» ҰӘҚ өкілдері енгізілуі тиіс», - деп атап көрсетті К.Мәсімов.
«Ә.Исекешев келесі аптада «Болашақтан» жұмыстан босатылатын адамдарды еңбекке орналастыру жөнінде Астанада кеңес өткізеді. Олар жұмыссыз қалмауы үшін қандай да бір әлеуетті жоларға біз еңбекке орналастыруға тиіспіз», - деді Премьер.
«Егер біліктілігі жетіспейтін болса, қарап көрелік, оларды біз осы біліктілік талаптарына сәйкес болуы үшін қандай орталықтарда оқыта аламыз», - деп атап өтті К.Мәсімов.
