Болгарияда «Ертіс» ФК жаттықтырушысы үздіктер қатарына кірді

АСТАНА. ҚазАқпарат - Болгарияда 2018 жылдың үздік футболшылары мен жаттықтырушылары марапатталды, деп хабарлайды Sports.kz.

Жыл қорытындысы бойынша жылдың үздік жаттықтырушысы болып Болгария ұлттық құрамасын басқаратын Петар Хубчев атанды. Ал екінші орын павлордарлық «Ертіс» командасын жаттықтыратын Димитар Димитров иеленді. Ол өткен жылы болгариялық «Лудогорцт» футбол клубымен жұмыс жасаған болатын. Үздік үштікті «Славии» командасының жаттықтырушысы Златомир Загорчич алды.

«Маған бұл сыйлық «Лудогорцта» атқарған жұмыстарым үшін берілді деп білемін. Біз ойыншылар мен клуб басшыларының қолдауына тәуелдіміз», - деді Димитар Димитров.

Еске сала кетейік, «Лудогорец» командасы 2017/18 маусымында Болгарияның чемпионы болған.