Болгарияда тағы да Парламент сайлауы өтіп жатыр

АСТАНА. KAZINFORM -  27 қазанда Болгария парламентті қайтадан сайлайды. Сайлау соңғы үш жылда жетінші рет және биыл екінші рет өткізіліп отыр. Төрт жыл бұрын ауқымды наразылық толқынын бастан өткерген және жемқорлықтан зардап шеккен ел 2021 жылдан бері тұрақты үкімет құра алмай отыр. Сол кезде сайлаушылар жылына үш рет сайлау учаскелеріне баруға шақырылатын, деп жазады BBC News.

Болгария халықтың сайлауға деген сенімсіздігі бойынша Еуропада ғана емес, әлем бойынша рекордсмен. Өткен жылы Gallup мәліметі бойынша, азаматтардың тек 10%-ы ғана процестің әділ өткеніне сенген (ЕО орташа көрсеткіші 62%).

Дауыс беру үнемі сайлаушыларды сатып алу жанжалдарымен бірге жүреді. Адамдар дауысты «сыра мен кәуапқа» сатып алатынын айтады.

Маусымдағы соңғы парламенттік сайлау кезінде сайлаушылардың қатысуы 35%-дан аз болды. Бұл 2021 жылы 50%-дан сәл ғана астам болған.

Болгарлардың ЕО басшылығын мақұлдау деңгейі де төмендеп барады. Қазір бұл көрсеткіш Gallup мәліметінше, рекордтық төмен – 42%. Бұл – Венгрия мен Словакиядағы көрсеткіш.

Осыған қарамастан, сауалнамаларға сәйкес, БРИКС-ке қосылуды жақтайтын және елдің НАТО мен ЕО-ға мүшелігіне күмән келтіретін әсіре оңшыл «Жаңғыру» партиясы келесі парламентте өз ұстанымын нығайта алады.

Бұған дейін Болгарияның жаңа үкіметі ант қабылдап, елде мерзімінен бұрын өтетін сайлау күн белгіленгенін жазған болатынбыз.