Боливиядағы «өлім жолы» әлемдегі ең қауіпті әрі ең әсем жерлердің бірі
АСТАНА. ҚазАқпарат - Юнгас провинциясында орналасқан боливиялық «өлім жолы» әлемдегі ең қауіпті әрі ең әсем жерлердің бірі болып саналады.
Жыл сайын ұзындығы 70 шақырымды құрайтын бұл таулы жолда 100-ден 200 адамға дейін ажал құшады. Жылдың басым бөлігінде болатын ауа райының қолайсыздығы, жол сапасының нашар болуы салдарынан мұнда жиі жол-көлік апаты орын алады. Кейде жолаушылары бар автобустар да жолдан таяды. Мәселен 1983 жылы автобустың құзға құлауынан 100-ден астам адам қаза тапты.
