Боран салдарынан «Астана-Франкфурт» рейсі кейінге шегерілді
"Қазіргі уақытта Астана қаласының әуежайында "Эйр Астана" әуе компаниясының Астана-Франкфурт бағытындағы КС921 ресінің ұшу мерзімі ауа райының қолайсыздығына байланысты кешіктіріліп жатыр. 5 ақпан сағат 18-30-дағы жағдайға сәйкес ұшу-қону жолағының жалпы көрінуі 450 метрді, ауа температурасы -25 градусты, жел жылдамдығы секундына 13 метрді құрайды", делінген комитет ақпаратында.
Ауа райының болжамына сәйкес күрделі метеоахуал ел аумағында сақталады. Осыған байланысты жолаушыларға өздерінің рейстері жайлы мәліметтерді call-орталықтардан және әуе компаниясының ресми сайтынан дер уақытында біліп отыруға кеңес беріледі.
Эйр Астана компаниясының call-орталықтары: Алматыда +7 7272 444477, Астанада +7 7172 584477, ұялы тел.: +7 702 702 4477.
«SCAT» әуе компаниясының call-орталығы: +7 7252 998880.