Боранға байланысты үш облыстың аумағындағы жолдар жабық

АСТАНА. ҚазАқпарат - Боранға байланысты еліміздің үш облысы аумағындағы республикалық жолдардың учаскелерінде көлік қозғалысы шектелді. Бұл туралы «Қазақавтожол» РМК-ден хабарланды.

Ақтөбе облысында қазіргі кезде мына жолдар жабық тұр:

- «Ақтөбе-РФ шекарасы (Орск)» жолының 75-135 шақырымы аралығы;

- «Ақтөбе-Атырау-Астрахан» жолының 45-176 шақырымындағы Алға мен Шұбарқұдық аралығы;

- «Қандыағаш-Ембі-Шалқар-Ырғыз» жолының 0-257 шақырымындағы Қандыағаш пен Шалқар аралығы;

- «Самара-Шымкент» жолының 753-836 шақырымындағы Ақтөбе мен Хромтау учаскесі.

Алматы облысында боранға байланысты «Үшарал-Достық» жолының 83-113 шақырымы аралығында көлік қозғалысы шектелді.

Ал Қарағанды облысында қазіргі сәтте барлық көлік түрлері үшін мына жолдар жабық:

- «Жезқазған-Петропавл» жолының 24-252 шақырымындағы Сәтбаев пен Қостанай облысы аралығы;

- «Екатеринбор-Алматы» жолының 1364-1425 шақырымындағы Теміртау-Осакаров учаскесі;

- «Қызылорда-Павлодар» жолының 753-905 шақырымындағы Топар мен Атасу аралығы;

- «Екатеринбор-Алматы» жолының 1492-1854 шақырымындағы Қарағанды мен Балқаш учаскесінде.