Бортында 200 жолаушы болған ұшақ апатты жағдайда әуежайға қонды
АСТАНА. ҚазАқпарат - Бортында 200 жолаушы болған «Kuwait Airways» ұшағы апатты жағдайда Брюссель әуежайына қонды. Жолаушылар мен экипаж мүшелерінің ешқайсысы зардап шеккен жоқ, деп хабарлайды жергілікті БАҚ.
Кувейт-Лондон бағытына бет алған Airbus А300 әуе лайнерінің экипажы ұшқыштар кабинасы түтіндей бастағанда Брюссель әуежайына қонуға рұқсат сұраған. Сөйтіп ұшақ апатты жағдайда жерге қонған. Қазір сарапшылар оқиғаның мән-жайын анықтауда.
