Босқындар тобындағы жанкешті әйел өзін-өзі жарып жіберді, 28 адам қаза тапты
МӘСКЕУ. Ақпанның 9-ы. ҚазАқпарат – «Тамиль жолбарыстары» тобының мүшесі, жанкешті әйел Шри-Ланкада жарылғыш қондырғыны іске қосып, нәтижесінде 28 адам өлді және ондаған адам жарақат алды,
деп хабарлайды ҚазАқпарат Утро.ру сайтына сілтеме жасап.Әскери қолбасшылық өкілінің айтуынша, «жолбарыстар» басып алған аумақтағы босқындар тобында болған әйел өзін-өзі жарып жіберген. Жарылыс салдарынан 20 жауынгер (оның ішінде үшеуі әйел адам) және 8 бейбіт тұрғын қаза болған. Сонымен қатар, 50 әскери қызметші және 40 босқын жарақат алған ? олар негізінен әйелдер мен балалар.
