Бостон марафонындағы лаңкестік әрекет кезінде бір аяғынан айырылған спортшы одан тағы жүгіріп өтті
АСТАНА. ҚазАқпарат - 2013 жылы Бостон марафонында жасалған лаңкестік әрекетінен кейін мүгедек болып қалған Ребекка Грегори биыл марафонға қайта оралып, бірнеше шақырым жүгіріп өтті, деп хабарлайды ABC News.
«Мен осыны өз-өзіме өткен жылдағыдай мүгедек арбасында отырмай, одан алдыңғы жылы асфальт төселген көшеде өмір мен өлімнің арасында жатпай, мәре сызығынан өзім өте алатынымды дәлелдеу үшін жасадым», - деді Грегори.
Дәрігерлер Бостон марафоны кезінде күрделі жарақаттар алған Ребекка Грегоридің аяғын кесуге мәжбүр болды. 2013 жылы болған жарылыстан кейін 16 адамның аяқ-қолдары кесілгені атап өтіледі.
Бұған дейін 119-шы Бостон марафонында Кения спортшысы Каролин Ротич пен эфиопиялық Лелиса Десиса жеңіске жеткені туралы хабарланған болатын.
