BoxingScene: «салмақ дәрежесі жөніндегі даулар Головкин - Альварес жекпе-жегінің өтуіне кедергі келтіруі мүмкін»

АСТАНА, ҚазАқпарат - BoxingScene.com журналисі Карлос Бугстің пікірінше, тараптар салмақ дәрежесі бойынша бір келісімге келмесе, Геннадий Головкин мен Сауль «Канело» Альварес арасындағы жекпе-жек болмауы мүмкін, деп жазды Sports.kz.

«Головкин мен Канело салмағы арасындағы айырмашылық үлкен проблема. Канело 155 фунт „кэтчвейт" болғанын қалайды. Ал Головкин WBC ережелері бойынша толыққанды лимит 160 болғанын қалайды. Салмақ төңірегіндегі дау кездесудің келесі жылдың күзінде өтуіне кедергі келтіруі мүмкін. Егер Канело Головкинмен жекпе-жекте белбеуін қорғаудан бас тартса, онда WBC одан титулын тартып алып, Головкинді толыққанды чемпион етеді», - деп жазды шолушы.