Божко әлеуметтік қызметтерді ерте жастағы жүктілік мәселесіне ерекше мән беруге шақырды
АСТАНА. ҚазАқпарат - Бүгін ҚР Парламенті Мәжілісі төрағасының орынбасары Владимир Божко қыздардың ерте жастағы жүктілігі мәселесі алаңдататынын мәлім етті, деп хабарлайды ҚазАқпарат.
«2013-2016 жылдарда елімізде 15-18 жас аралығындағы қыздар арасында жүкті болып қалудың жыл сайын 4,5-5,5 оқиғасы тіркелуде. Сонымен қатар құқық қорғау органдарының желісі бойынша Қылмыстық кодекстің 120, 121, 122, 123,124, 125-баптарындағы сексуалды озбырлыққа қатысты, оның ішінде отбасылық-тұрмыстық салада тек қана 12 қылмыстық іс қозғалды. Бұл өз кезегінде құқық қорғау органдары мен әлеуметтік қызметтер үшін тым жас қыздар арасындағы ерте жүктілік қауіп дабылы болып табылмайтындығын байқатуы мүмкін»,-деп тоқталды Божко Мәжілістегі Үкімет сағатында.
Сонымен қатар ол заңнаманы жетілдіру мен жауапкершілікті қатаңдатуға қарамастан отбасыдағы тұрмыстық зорлық-зомбылық фактілері баршылық екенін атап өтті. Осы орайда В. Божко тұрмыстық зомбылыққа қарсы іс-қимылда ведомствоаралық өзара әрекеттерді нығайту қажеттігін, отбасы институтын күшейту мен дәстүрлі отбасылық құндылықтарды кеңінен насихаттау шараларына ерекше мән беру керектігін атап өтті.
