Бір күнде үш көлік жанып кетті: ТЖМ ел тұрғындарына ескерту жасады

АСТАНА. KAZINFORM - Соңғы уақытта автомобильдердің өртенуі жиілеп кетті, деп хабарлайды ҚР Төтенше жағдайлар министрлігінің баспасөз қызметі.

өрт
Фото: ҚР Төтенше жағдайлар министрлігінің баспасөз қызметі

Баспасөз қызметінің мәліметтеріне қарағанда, бүгін күндіз Жетісу облысында 1, ал елордада 2 жеңіл автокөлік жанған. Өрттер сөндірілді, зардап шеккендер жоқ.

өрт
Фото: ҚР Төтенше жағдайлар министрлігінің баспасөз қызметі

Көбінесе тез тұтанатын материалдардан тұратын автокөлік 4-6 минут ішінде толығымен жанып кетеді. Бұл ретте әсіресе көліктің бинзин құятын багы мен газ баллонының жарылу қаупі өте жоғары. Сол себепті көлік өртенгенде одан 10-15 метр қашықтықты ұстаған жөн, - делінген Төтенше жағдайлар министрлігінің баспасөз қызметі таратқан ақпаратта.

Осыған дейін Атырауда қаңтар басталғалы 7 көлік өртеніп кеткені туралы жаздық.

өрт
Фото: ҚР Төтенше жағдайлар министрлігінің баспасөз қызметі

 

 

Соңғы жаңалықтар