Бразилияда пойыздар соқтығысып, 40-қа жуық адам зардап шекті
АСТАНА. ҚазАқпарат - Дүйсенбі кешке Рио-де-Жанейро штатында екі жолаушылар пойызы соқтығысып, 40-қа жуық адам зардап шекті. Бұл туралы жергілікті БАҚ хабарлады.
Оқиға Мескит қаласында жергілікті уақыт бойынша сағат 20:20-да орын алған.
Штаттың Көлік министрі Карлос Осорионың айтуынша, пойыздың бірі стансада тоқтап тұрған кезде, бағыт бойынша келе жатқан екінші пойыз келіп соққан. Зардап шеккендер ауруханаға жеткізілді.
Оқиғаның мән-жайы анықталып жатыр.
