Бразилияда ұшақ үйдің үстіне құлап, үш адам мерт болды
АСТАНА. ҚазАқпарат - Дүйсенбі күні Бразилияның Сан-Паулу штаты Сан-Жозе-ду-Риу-Прету муниципалитетіндегі тұрғын үйге шағын ұшақ құлап, бортта болған үш адам қаза тапты, деп хабарлайды «ҚазАқпарат» ХАА.
Фото © РИА Новости/Александр Вильф
Сан-Паулу өрт қызметінің дерегі бойынша, ұшақ құлаған үйдің ішінде де адамдар болған, алайда олар зардап шекпеген.
«Барлығы үш адам қаза тапты», - делінген штаттың өрт сөндіру қызметінің Twitter-дегі хабарламасында. Ажал құшқандардың жасы 30-59 аралығында болған.
Ұшақтың құлау себебі әлі хабарланған жоқ.
Фото РИА Новости/Александр Вильф
