Бразилияда жүзден астам қылмыскер түрмеден қашып кетті
АСТАНА. ҚазАқпарат - Бразилияның шығысында Ресифи қаласында орналасқан Фрей Дамиао де Бонзанно (Frei Damiao de Bonzanno) түрмесінен жүзден астам жазасын өтеуші қашып кетті.
Бұл туралы жексенбі, 24 қаңтарда Fox News Latino хабарлады.
Олар қашып кетпес бұрын белгісіз біреулер пенитенциарлық мекеме қабырғасының бірін жарылғыш затпен бұзған, салдарынан жазасын өтеушілер түрмеден қашып кетті. Биліктің ресми өкілінің айтуынша, екі қашқын өлтіріліп, 40-қа жуығы ұсталған.
