Бразилиялық боксшы Головкинмен жекпе-жегі туралы мәлімдеді
НҰР-СҰЛТАН. ҚазАқпарат – Орта салмақтағы бразилиялық боксшы Эскива Фалькао (28-0, 20 КО) жергілікті БАҚ-қа берген сұхбатында орта дивизиондағы IBF және IBO чемпионы, қазақстандық Геннадий Головкинмен (41-1-1, 36 КО) жекпе-жек өткізетінін мәлімдеді, деп хабарлайды ҚазАқпарат Sports.kz сайтына сілтеме жасап.
«Даталар әзірге бекітілген жоқ. Дегенмен, барлық жағдай классификациялық айқас тамызда өтетінін көрсетуде. Мен қазіргі әлем чемпионы, Қазақстан өкілі Геннадий Головкинмен кездесуім керек. Бұл – мен үшін жақсы айқас болатынына сенімдімін. Жекпе-жек Лас-Вегаста өтеді», - деп Э.Фалькаоның сөзін келтіреді Lance.com.br.
Айта кетейік, Эскива Фалькао әуесқой бокста 2011 жылы әлем чемпионы және 2012 жылы Олимпиаданың күміс жүлдегері болды.
