Brent маркалы мұнай бағасы 35 долларға өсті
АСТАНА. ҚазАқпарат - Америкадағы бұрғылау ұңғымаларының азаюы туралы жаңа деректер жариялағаннан кейін мұнайға бағасы өсті, деп хабарлады Bloomberg агенттігі.
Baker Huges деректеріне қарасақ, ұңғымалар саны 13 пайызға - 400-ге дейін, 2009 жылғы ең төменгі деңгейге түскен. Көрсеткіштің төмендеуі 10 аптадан бері жалғасуда.
ICE Futures Лондон биржасында Brent маркалы мұнайға сәуір фьючерстері сағат 11:00-де 1,2 пайызға - барреліне 35,51 долларға дейін қымбаттады.
Нью-йорк тауар биржасында (NYMEX) сәуірге WTI мұнайына фьючерстік белгілеу 0,5%-ға - барреліне 32,94 долларға өсті.
