Brent маркалы мұнайдың бағасы 67 долларға жетті
АСТАНА. ҚазАқпарат - Жұма күні Лондон мен Нью-Йорк биржаларында өткен сауда-саттық қорытындысы бойынша мұнай бағасы қымбаттады, деп хабарлайды ҚазАқпарат.
Атап айтқанда, Лондондағы ICE Futures биржасында желтоқсанда жеткізілетін Brent маркалы мұнайдың фьючерстері 0,47 долларға көтеріліп, 67,01 долларды құрады.
Ал Нью-Йорк тауар биржасында (NYMEX) желтоқсан айында жеткізілетін WTI маркалы мұнай бағасы өзгермеді. Мұнай түрінің фьючерстері барреліне баға 56,46 долларды құрады.
