Brent маркалы мұнайдың бағасының баррелі 30 доллар межеден төмен түсті
АСТАНА. ҚазАқпарат - Сәрсенбі күні АҚШ Энергетика министрлігінің шикізат қорының өсуі жөніндегі мәліметтеріне орай мұнайдың әлемдік бағасының төмендеуі шапшаңдады: сауда-саттық мәліметтеріне қарағанда Brent маркалы мұнай 2004 жылғы ақпаннан бері алғаш рет баррелі 30 долларлық психологиялық межеден төмен түсіп кетті, деп хабарлады РИА Новости.
Астана уақытымен сағат 01.24-те солтүстіктеңіздік Brent маркалы мұнай қоспасының наурыз айына фьючерстерінің құны 3,04%-ға төмендеп, баррелі 30,01 долларға дейін құлдырады; бұдан бұрын ол алғаш рет 2004 жылғы ақпанда баррелі 30 доллар межеден төмен түсіп, 29,95 доллар болған еді. WTI маркалы мұнайдың ақпандағы фьючерстерінің бағасы 0,66%-ға арзандап, баррелі 30,24 доллар болды.
