Brent мұнайының бағасы төмендеп кетті
АСТАНА. KAZINFORM — Brent мұнайының бағасы барреліне 69 АҚШ долларынан төмендеді, деп хабарлайды Kazinform агенттігі.
Лондондық ICE биржасында Brent маркалы мұнайдың фьючерстік келісімшартының құны 2024 жылдың 10 қыркүйегінен бастап алғаш рет барреліне 69 доллардан төмендеді.
Сағат 21:15–тегі жағдай бойынша Brent мұнайының құны 3,34%-ға — барреліне 68 доллар 67 центке дейін арзандады.
Сонымен бірге WTI маркалы мұнай фьючерстерінің құны барреліне 65 доллар 38 центке дейін түсіп кетті.
Еске салсақ, осыған дейін Қазақстаннан мұнай өнімдерін әкетуге 6 айға тыйым салынғанын жаздық.
Сондай-ақ, сәуірден бастап ОПЕК+ 8 елі мұнай өндіру көлемін біртіндеп арттыра бастайды. Бұл жайт Қазақстанға және жалпы мұнай бағасына қалай ықпал етуі мүмкін екенін сарапшылардан сұраған едік.
