Британдық миллионер жасанды мина іздеу аппаратын сатқаны үшін 10 жылға абақтыға тоғытылмақ

АСТАНА. 3 мамыр. ҚазАқпарат - Ұлыбритания соты Ирак, Сауд Арабиясы, Бельгия және басқа да елдерге жасанды мина іздеу аппаратын сатқан Джеймс Маккормикке 10 жылға бас бостандығынан айыру жазасын кесті. Бұл туралы шетелдік БАҚ-қа сілтеме жасап Associated Press хабарлады.

Маккормик суда және жер бетінде жарылғыш заттарды табуы тиіс ADE 651 мина іздеу аппаратының 1 данасын 42 доллардан сатқан. Алайда, тергеу барысында сатылымға гольф добын іздеу үшін түрлендірілген аппарат шығарылғандығы белгілі болды