Британдық шіркеуден Трамптан аумайтын 700 жыл бұрынғы мүсін табылды
АСТАНА. ҚазАқпарат - Англия шіркеулерінің бірінен АҚШ президенті Дональд Трамп бейнесіндегі көне мүсін табылды, деп жазды The Nottingham Post.
Трамп президент болғанша, бұл мүсінге ешкім мән бермеген: ең алғаш Лондоннан келген туристер мүсін мен Трамптың ұқсастығына қайран қалған.
Енді АҚШ президентінен аумай қалған бұл мүсін ерекше танымалдылыққа ие болды.
Сонымен бірге, жергілікті дін қызметшісі де бұл ұқсастыққа мән бермегенін айтуда және ол XIV ғасырға жататын бұл кескіннің Трампқа ұқсайтынын, бірақ мүсіннің патшалар мен патшайымдар бейнелері арасында орналаспағанын атап өтті.
