Британдық жазушы Джоан Роулинг ең көп табыс тапқан жазушылардың рейтингін бастап тұр
НҰР-СҰЛТАН. ҚазАқпарат – Америкалық Forbes журналының ұйғарымы бойынша 2019 жылғы ең көп табыс тапқан жазушылардың тізімін британдық жазушы Джоан Роулинг бастап тұр. Рейтинг басылымның ресми сайтында жарияланды.
Роулингтің Нью-Йорктағы Бродвей театрында болған спектакль билеттерінің сатылымы рекордтық көрсеткішке жетті, кітабының 2,8 млн көшірмесі сатылды, тақырыптық ойын-сауық паркінен түсетін кірісі мен соңғы кітабын экранға шығарудан жиналған қаражаты оның алғашқы орынды иеленуіне себеп болды. Жазушының жалпы кірісі 92 млн долларды құраған.
Екінші орында - Билл Клинтонмен бірге «Президент жоғалды» романын жазған америкалық жазушы Джеймс Паттерсон.Оның табысы 70 млн доллар.
Рейтингтегі үшінші орынға АҚШ-тың экс- бірінші ханымы Мишел Обама жайғасты. Ол өзінің BECOMING кітабын сату арқылы 36 млн доллар тапқан.
