Британдық жігіт өзі ұнатқан қыз үшін 305 келі салмақ тастаған (ФОТО)
АСТАНА. ҚазАқпарат - Сүйген қызы үшін 305 келі салмағынан арылғанымен танымал болған Ұлыбритания тұрғыны Пол Мейсон Facebook әлеуметтік желісіндегі жеке парақшасында бұл бойжеткенмен байланысын үзгені туралы хабарлады.
Еске сала кетейік, кезінде салмағы 445 келі болып, әлемдегі ең семіз адам атанған британдық пошташы жігіт әлеуметтік желі арқылы американдық Ребекка Маунтинмен танысқан. Оған ғашық болған Мейсон салмағын азайтып, 5 жылдың ішінде 305 келіден арылған. Одан кейін ол АҚШ-қа көшіп, Ребекканың үйінде тұрды.
Енді бұл жұп байланысын үзді. Бірақ Пол әзірге Ребеккамен жалдамалы пәтер тапқанша бірге тұрып жатыр.
